深夜兩點… 我食住餅睇 NOW Trailer 台…
竟然比我睇到 Ocean 13 的 Trailer…
原班人馬 還有 Al Pacino！
Ocean 12 + Terry Benedict = Ocean 13
未睇先興奮 可惜要等到 6 月才上畫
發現“她＂在 Xanga 的日記上說了一些關於我的事情
“她＂對我的行為表示失望…
當別人話我的時候 若然是合理 欣然接受
面對沒有道理的指控 一笑致之 不應有恨
怎麼人越大時間好像過得特別快？
網球打過 K唱過 戲又睇過 房又執過... 讀完《大騙局》...
每天都係衝衝忙忙 好像要推砌很多節目來填充時間
但本《溫伯格軟體管理學》仲未開封
事實是好似無乜做過野 復活假就完了
一切過去後 沒有特別的快樂
放假反而會令人有點空虛...
面對工作 怎麼會有壓力？
原來我已經唔係以前的黃毛小子毫無負擔
別人會對你有期望 你亦要為你所做的工作負責
對未來 還是十分正面
無論遇到任何的好事壞事 都是一種經驗
只要係對每件事和每個人 你都肯用心就夠喇
不要忘記背後還有 神 作你的後盾
張永霖係個我好尊敬o既人
他說...
股市就是一個大賭場
投資和賭博係一線之差
你要明白你係賭緊定係投資緊
賭的時候就要用賭的風險管理
賺到錢就會想賺更多
賺到錢就會認為自己好叻
當投入呢個股市 又唔肯花時間去研究金融知識
你貪心 你唔識保護自己的時候 就會血本無歸
但其實一切的金融知識 對你的生活係無大幫助
佢係唔會令你唔洗擔心生活
假如你太用神 太投入 太過有興趣於金融市場
到底你點樣專心去睇書 進修 和工作呢
這是一種兩難
倒不如投資在自己身上
去努力工作 培養學問 鍛鍊自己
更為上算
故事拍得寫實又有少少感動
父子之情很濃 流露在細節中...
戲裡面的主角山窮水盡 帶住個仔流落街頭
不斷的堅持係為o左未來一個快樂憧憬
睇o既時候我常常諗: 係呢個時候我會點做呢?
我又諗"如果無呢個仔o既話 我沒有咁大的動力堅持落去"
當主角抱住個仔 再用一隻腳頂住個廁所門的時候
將父親對兒子的愛表露無遺 一個畫面更勝千言萬語
何謂快樂 戲裡面無直接表達
因為戲的焦點不是"快樂"而是"尋找"
近排入市買o左 中石油(857) 南方航空(1055) 創科(669)
原因睇好以上三隻股票 用 857,669 對沖油價的風險
現時為止 總體仲蝕緊
未來部署 期待股市再創新高
Lunch 時間看了 Heather Martin - When Are You Coming Home
很可憐也很可愛的小女孩 入心入肺的歌詞
我忍不住流淚 不過當時公司很少人 沒有被看到
你也應該看一看 再決定是不是我眼淺
--
YouTube Video Awards
Most Inspirational 最 勵 志 獎
2. Heather Martin - When Are You Coming Home
瀏 覽 人 數 ： 1,946,046
Bye2luv 拍 攝 的 短 片 ， 片 中 主 角 是 Heather Martin 的 6 歲 小 妹 妹 ， 哥 哥 遠 赴 伊 拉 克 參 軍 ，歸 期 沒 有 ， 她 於 是 用 純 真 的 聲 線 ， 唱 出 對 哥 哥 的 思 念 ， 把 萬 千 網 民 聽 得 眼 圈 也 濕 了。 美 國 總 統 喬 治 布 殊 應 該 聽 聽 。
蘋果日報
--
P.S. 打完 blog 之後 我再看多次 再眼濕濕多次 :'(
本來今日打算睇<<尋找快樂的故事>>但係場次唔夾 所以轉左去睇<<英女皇>>
其實<<英>>我一直都想睇 一來我都政治有關的題材有興趣
都係多得陶傑在大肆宣揚 令到我心郁郁
講返齣戲 很平淡 可能我對英女皇了解太少
唔知英女皇為國家作過幾多貢獻
唔係太感受到在戴妃死了之後英女皇幾大壓力
可能係因為她在任以來建立的價值觀 都被戴妃之死一一摧毀
這是原則 vs 現實的問題
我這個凡事向現實低頭的小市民
下半旗 發表一段聲名 風光大葬 有何難
但英女皇就唔同 我亦投入唔到落去她的思想爭扎過程
演員做得出色 高度的寫實
故事沒有高潮 踏踏實實的完結