我放棄了那份新工作機會
原因是…
我渴望一個長久穩定的工作
不希望未來再會跳來跳去
雖會熱愛工作，但不想工作就是生活的全部
(新工作沒有Annual Leave，可以放假但扣錢)
我想自己有多點時間
去玩、去睇書、去思考、去學習
陪家人、陪女朋友、陪朋友
現在的工作我很滿意
前途也不錯，只是人工問題吧
心信，只要做得好，未來就會有回報
--
眼前還剩下兩個 offer
未來兩晚我會再和兩位老細傾傾
星期日我和 米絲 行大埔…
Matthew：你話轉唔轉工好？轉工可以賺多o的錢
Micy：賺咁多錢咁又點？
Matthew：我想有錢o的，唔有錢都要做個中產
Micy：做中產有咩好？咁辛苦咁多責任，一日追呢樣果樣
Matthew：我想第時間屋有個書房，望到海就足夠喇
Micy：
其實住公屋咪幾好，只要裝修得靚靚地，有張大床，住得舒服就得啦。
錢，夠洗咪得囉。你就成日都掛住個星河名居，成四百萬…
不過我地都申請唔到公屋啦，買間二百萬o既樓
比五十萬首期，供七、八千…咁就夠啦。
你睇下呢間就係我既 dream house 喇（大埔某屋苑）
講都唔信…今晚有個舊同事打比我…
係以前我做暑期工認識的舊同事…
而咁多年黎，我只係做過一份暑期工…
他大概比我年長四、五年
現在已經成為一間公司的 Director
他問我懂不懂 J2EE，懂不懂 Design Pattern
這兩樣曾經是我的強項啊
High Dip 時我就是主攻 Design Pattern.
他問我有冇興趣到他公司工作
他是出得起人工的找人材的
我呆了… 加埋這份工，我眼前已有 3 個 offer
是什麼世界？我有點飄飄然…
返回現實，今晚夜我會打電話和 Daniel 傾計
眼前是一個難得的機會
我將接觸到最頂尖的 Object Oriented 科技
一個非常大型的系統… SOA 的 platform development
一間肯花很多錢落 I.T.，市值過二百億的上市公司
人工更比我現時多 2x%
但…這份工係一年 Contract（有機會轉長工）
但…我會知道工作時間會長，係辛苦的，會少了很多私人時間
而且…我現在工作得很好，很穩定，上司好、同事好
只是人工比不上
“成功你敢嗎？＂無錯，我是恐懼
我恐懼未來的不穩定和不確定性
我怕會轉去一個差的環境
我怕一年之後會唔知點算，我怕續唔到約
我怕轉唔到長工…我竟然會擔心自己的能力
但這個機會，很接近我的理想…
如果你係我，你會點選擇呀？
不知為何面前突然有很多好好、好吸引的機會
放工的時間和老細傾過，我大致都有一個決定
薪金當然吸引，但前途更加緊要
今晚和 米絲 拍拖食飯，雖然佢好倦
但都肯來我公司附近陪我，傾下前途問題
我公司同Team的同事又走了…
周圍的朋友個個都話要轉工…
好明顯呢個係一個轉工潮
我有冇諗過轉工？有就一定有諗過
但係我覺現在的工作環境好好
有得發揮、前景也不錯…
最重要係：老闆信任我
他在我最困難的時間支持我
對我是有知遇之恩，我是不會忘記
我都唔細了，想安定下來
Career Path 是重要考量
細公司，你會懷疑公司前景
大公司，你會懷疑太多人和你競爭
我現在工作的公司規模剛剛好
人事關係亦是重要考量
現在為止我做了三份工
三份工的老闆都對我好好
三份工的同事亦都對我好好
我好難再祈求轉新工都會咁好
未來花少少時間去想就夠
一切隨緣，我不會再想太多
人生多變，永遠努力做好現在就是對的
Matthew：奧運聖火傳遞而家搞到咁多問題，又驚比人襲擊、比人整熄，我有個解決方法
Wilfred：點解決
Matthew：你有冇見過教宗出巡既防彈玻璃車？叫個跑手企上去咪得囉！夠曬安全，唔洗驚比人整熄。
Wilfred：咁咪唔洗跑
Matthew：傳遞聖火，無話過一定要跑架
Wilfred：要跑！整架跑步機上去，咁咪得囉！！
XDDDDDDD
從上個再上個星期三開始，媽媽就返了大陸
所以這段時間我就一個人住
可以享受靜靜地係屋企睇書
用廳部 37 吋電視玩 XBOX 360
食零食睇 DVD 睇英超…
可惜這段時間裡面我病左幾日…
請過兩日 Sick Leave
又病又要一個人生活真係好辛苦
--
米絲 陪了我過幾日的 weekend…
只是一起坐在梳化上看 DVD 已經是很辛福
睇《史密夫決戰史密妻》、《向左走向右走》
撞上 NOW 的《家有喜事》、《賭神2》…
上 youtube 睇魔術、搞笑片、MV
--
有過一段深情的對話，感覺感情又進了一步
擁抱的感覺太美好，永遠也不捨得放手
