尋晚興奮完畢... 今日就訓到成 11 點幾...
估唔到今日我搞左成 6 個鐘頭清潔... 係, 差唔多係 6 個鐘頭... 話說下晝想拎本舊書出黎睇, 嘩, 點解本書咁大塵? 因為個舊書架上o既書已經好耐無掂過, 書架已經好多塵, 好多書都好多塵... 於是我將所有書拎曬出黎, 將個書架做個清潔... 吸塵... 再抹, 再將每本書逐本逐本抹乾淨, 放返上架... 之後諗諗下, 不如將 D 書全部執過曬 D 位, 做好分類... 再將新書架 D 書拎曬出黎.
超"支力"...由於中午只食左個 $13 的蒸飯, 半路中途已經 Feel 到個人無曬力, 再落去真係會訓低, 唯有快快脆蒸左碟叮叮腸粉黎食. 食飯又再執過... 由於每本書都要抹, 咁多書, 自己都有 D 想放棄... 但係無理由做到呢個地步就停架?
過程裡面見到幾本以前的電腦雜誌和體育雜誌, 一本係碧咸封面(他初出道時), 另一本係麥馬拿文封面, 兩個人都被當時的奪標稱為未來新星... 但而家呢兩粒星都已殞落喇. 仲搵到本母校校刊, 封面有我係度... 果陣時真係薯到爆.
終於搞掂... 由原來的兩點幾搞到六點幾! 然後, 我還要幫屋企做清潔!!! 由於媽媽聽日返黎, 而我聽日又要去 BBQ, 清潔的工作一定要今日完成. 先將全屋吸塵, 之後再加 D 綠水拖地... 熱到我要除曬衫做. 搞埋呢 D 都已經係八點... 再落街食個車仔面醫肚...
回到家 HBO 有得做"逃出阿卡拉", 一套我讀緊小學就已經係明珠台重播緊的電影, 細個睇 D 唔睇 D 都已經覺得好好睇, 今晚有得睇返, 真係正.
0 Comments:
訂閱：
發佈留言 (Atom)