Blog Matthew (OLD)

今天和米絲去街…首先，第一站係行九龍公園的文物探知館
雖然是星期日，但係裡面唔算多人，好靜，環境很清優，好舒服
展覽唔算好吸引：

• 中環新海濱城市設計研究第二階段公眾參與 - 公眾展覽
  我地一齊填左份問卷
  
• 「文物保育展覽」，「香港文物古蹟的保護」展覽
  好快就行完o左
  

第二站係香港歷史博物館
我們主要是去看《從錢莊到現代銀行－滬港銀行業發展》展覽
米絲是從事銀行業，而她很喜歡去博物錧，看文物，看歷史變遷
所以我就安排了這個行程
其實你問我很喜歡去看歷史展覽嗎？我唔算係
但係比起行街行公司，看歷史展覽實在有趣很多
很享受和米絲一齊的這段時間



好快又過了個幾鐘頭，我們還有第三站的節目
係去睇太空館的全天域電影《探索黑洞》
差不多夠鐘喇！我地好快咁走出歷史博物館，快快的上巴士去碼頭
由於事前我已買好入場卷，剛剛趕得切入場

看了一半，覺得有點“賴野＂
因為這齣原來唔係“全天域電影＂，而係天象節目
所以都幾學術性，唔係話比你享受係個宇宙飛來飛去
無乜浪漫的時間去比你睇星星…
而係好似一張張 Slide 咁有人講解黑洞的原理
我當然看得明白，但米絲就有點一頭霧水
我知道米絲會悶，所以就搞下佢 :)
好彩片場只是 40mins，就算唔好睇，損失都不太嚴重



晚上，我有點血糖下降的現象
所以無做太多選擇，快快地我們走入去大家樂晚餐
我叫了一客鰻魚飯，米絲叫了焗豬扒飯 + 蘇皮湯
米絲食蘇皮湯個樣真係好搞笑…好似細路仔
個飯佢食唔曬，分了一半給我，好飽

食完，一齊行尖東海旁，我們選了一個位置極佳的坐位
整個海景盡入眼簾，面前的就是中銀大廈
坐底傾計，差不多兩個小時，海景這樣美，好舒服
打斷這段浪漫時間是因為一場小雨
好彩我帶了雨傘，其他人則有點狼狽
一段小小的雨中漫步之後，我就送米絲回家了…