放 完 暑 假 ， 又 是 預 科 生 報 考 大 學 聯 招 的 頭 痛 時 間 ， 好 多 朋 友 走 來 問 我 ， 應 唔 應 該 俾 o的 仔 女 或 者 係 細 佬 妹 讀 電 影 ， 通 常 我 都 會 反 問 ： 「 點 解 唔 應 該 呢 ？ 」 通 常 呢 個 時 候 ， 朋 友 們 的 表 情 都 有 o的 尷 尬 ， 佢 地 多 數 會 扯 開 話 題 。
「 冇 ， 你 係 專 業 人 士 o丫 嘛 ！ 問 o下 你 o的 專 業 意 見 ！ 唔 好 講 o的 衰 o野 ， 飲 杯 ！ 」
無 錯 ， 我 自 認 係 一 個 專 業 的 電 影 人 ， 專 業 拍 電 影 的 人 ， 每 天 的 工 作 都 是 天 馬 行 空 地 創 作 故 事 ； 難 聽 o的 講 ， 亦 係 無 中 生 有 地 製 造 大 量 的 謊 言 。 所 以 ， 專 業 電 影 人 對 謊 言 好 敏 感 ， 尤 其 對 o的 唔 係 太 過 專 業 o既 謊 言 。
朋 友 背 後 o既 潛 台 詞 我 一 眼 就 睇 得 出 ， 我 睇 得 出 朋 友 係 怕 子 女 弟 妹 讀 了 電 影 之 後 ， 會 好 似 我 咁 無 厘 搭 霎 ， 無 厘 神 氣 。 其 實 無 厘 搭 霎 係 我 個 人 o既 性 格 ， 無 厘 神 氣 係 我 身 子 差 o者 ， 唔 代 表 我 個 人 唔 認 真 ， 唔 代 表 入 電 影 行 o的 人 都 唔 認 真 。 對 於 讀 電 影 ， 我 係 一 個 非 常 認 真 o既 人 。
或 者 好 多 人 會 幻 想 到 大 學 讀 電 影 ， 淨 係 日 日 同 班 穿 著 時 尚 氣 質 憂 鬱 的 同 學 ， 撚 住 部 機 四 圍 拍 實 驗 電 影 ， 嘻 嘻 哈 哈 玩 三 年 就 搞 掂 。 其 實 ， 呢 個 只 係 讀 電 影 o既 其 中 一 部 分 ， 讀 電 影 其 實 有 太 多 o野 要 讀 。
首 先 ， 讀 電 影 一 定 要 認 識 乜 o野 係 電 影 ， 正 如 讀 屎 片 一 樣 ， 你 起 碼 要 講 得 出 屎 片 o既 形 狀 、 大 細 、 顏 色 、 點 分 前 後 左 右 、 點 樣 自 動 黏 貼 。 如 果 你 永 遠 講 唔 出 屎 片 同 卡 片 、 蝦 片 o既 分 別 ， 你 好 有 機 會 會 用 錯 片 。
由 於 電 影 係 一 種 溝 通 媒 體 ， 所 以 讀 電 影 一 定 要 學 習 媒 體 理 論 ， 要 深 入 了 解 各 種 媒 體 的 特 點 ， 要 清 楚 電 影 和 其 他 媒 體 的 分 別 。 有 唔 少 人 一 直 以 為 電 影 同 電 視 差 唔 多 ， 或 者 以 為 電 影 不 過 係 一 個 有 畫 面 的 電 台 廣 播 。
另 外 ， 還 要 了 解 訊 息 傳 遞 的 方 法 ， 唔 了 解 訊 息 傳 遞 的 方 法 ， 你 會 用 錯 拍 《 三 更 》 的 方 法 去 拍 《 龍 咁 威 》 ； 當 然 ， 拍 出 o黎 又 驚 又 好 笑 的 話 ， 自 然 皆 大 歡 喜 ， 至 驚 觀 眾 一 o的 都 唔 好 笑 。
電 影 又 係 一 種 藝 術 ， 所 以 研 習 藝 術 史 和 繪 畫 係 唔 可 以 缺 少 的 一 環 ， 學 懂 欣 賞 或 繪 畫 圖 畫 是 非 常 重 要 的 ， 不 只 是 對 色 彩 光 線 構 圖 意 境 的 認 識 ， 最 重 要 還 有 認 識 畫 框 。 原 來 ， 圖 畫 的 畫 框 可 以 橫 擺 掂 擺 ， 但 係 電 影 院 的 銀 幕 是 永 遠 打 橫 鑲 死 在 牆 上 的 一 片 白 ， 你 可 以 用 種 種 方 法 ， 向 銀 幕 四 邊 方 向 將 畫 面 放 大 縮 細 ， 但 你 永 遠 改 變 唔 到 o個 片 白 。
電 影 又 係 戲 劇 ， 所 以 一 定 要 讀 戲 劇 理 論 。 或 者 你 會 反 對 ： 咁 記 錄 片 唔 係 電 影 呀 ！ ？ 無 錯 ， 記 錄 片 係 電 影 ， 但 係 好 睇 o既 記 錄 片 之 所 以 好 睇 ， 亦 係 因 為 戲 劇 性 ， 那 是 記 錄 事 實 中 的 戲 劇 性 ！ 希 特 拉 激 情 的 揮 手 、 毛 澤 東 於 天 安 門 君 臨 天 下 的 演 說 ， 以 至 涉 谷 火 車 站 外 的 不 息 人 潮 ， 就 是 因 為 戲 劇 性 ， 所 以 令 我 們 百 看 不 厭 。
由 於 戲 劇 與 人 類 有 關 ， 我 們 還 需 要 讀 點 人 類 學 ， 了 解 人 類 自 遠 古 以 來 到 今 天 的 文 化 發 展 ； 人 類 點 解 要 跳 舞 ？ 點 解 要 做 圖 騰 ？ 點 解 要 唱 Ｋ ？ 點 解 要 send SMS ？ 會 與 你 要 知 道 人 點 解 要 做 一 樣 o野 ， 你 先 可 以 說 服 你 的 演 員 去 做 一 樣 o野 ！
還 有 政 治 學 、 社 會 學 ， 學 習 這 兩 種 科 目 ， 令 我 們 了 解 到 人 與 人 之 間 的 角 力 、 人 與 社 會 之 間 角 力 、 社 會 與 社 會 之 間 的 角 力 ， 這 樣 才 會 創 作 得 出 角 色 之 間 的 精 彩 角 力 。 另 外 ， 對 不 同 政 治 思 想 的 認 識 ， 有 助 了 解 人 類 的 荒 謬 ， 同 樣 地 ， 如 此 才 能 創 作 出 精 彩 的 謬 論 。 謬 論 對 喜 劇 和 悲 劇 同 樣 咁 重 要 。
還 有 哲 學 、 宗 教 和 心 理 學 ， 除 了 有 助 了 解 角 色 的 思 想 ， 最 重 要 還 是 要 了 解 自 己 的 思 想 ， 自 己 都 唔 知 自 己 諗 乜 ， 同 傻 佬 係 冇 乜 分 別 ！ 傻 佬 拍 電 影 未 必 唔 得 ， 不 過 我 可 以 肯 定 傻 佬 拍 o既 ， 唔 係 部 部 都 得 ！
此 外 還 有 文 學 和 美 學 ， 讀 文 學 唔 係 要 你 吟 詩 作 對 寫 散 文 ， 最 主 要 係 要 學 識 講 故 事 的 原 理 ， 連 講 《 三 隻 小 豬 》 都 講 唔 掂 o既 人 ， 唔 好 同 我 話 佢 o既 敘 事 方 法 係 受 高 達 、 王 家 衛 、 泰 倫 天 奴 o既 影 響 。
讀 美 學 就 係 要 學 扮 靚 ， 點 樣 令 任 何 事 變 得 美 麗 動 人 ， 要 動 人 的 美 麗 ， 是 從 心 靈 深 處 發 掘 出 來 的 ， 唔 係 話 幫 個 演 員 著 套 Yoji Yamamoto 、 背 個 Gucci 袋 ， 擺 張 Starck 椅 子 就 搞 掂 。
這 還 未 計 電 影 本 科 的 導 演 技 巧 、 劇 本 寫 作 、 製 作 方 法 、 剪 接 、 攝 影 、 燈 光 、 音 樂 、 音 效 、 收 音 、 視 覺 效 果 、 美 術 設 計 、 影 評 理 論 等 等 等 等 。 基 本 上 ， 我 可 以 大 膽 講 句 ， 電 影 研 究 的 就 是 人 生 ， 人 生 的 範 疇 實 在 非 我 們 可 以 想 像 之 大 ， 所 以 點 解 咁 多 人 話 創 作 無 邊 界 。
學 習 一 種 無 邊 無 界 的 學 問 ， 點 會 唔 搞 到 無 厘 搭 霎 ， 無 厘 神 氣 ！ ？ 大 學 的 三 年 時 間 ， 又 點 會 足 夠 ， 許 多 的 科 目 都 只 是 驚 鴻 一 瞥 ， 許 多 科 目 的 研 習 ， 只 有 靠 畢 業 後 的 自 行 修 煉 。
朋 友 對 於 電 影 課 程 的 龐 雜 驚 訝 非 常 。
「 咁 讀 完 係 咪 真 係 可 以 做 導 演 o架 ？ 」
答 案 是 否 定 的 ， 因 為 事 實 已 經 證 明 了 一 切 ， 香 港 每 年 絕 對 沒 有 三 十 個 新 導 演 面 世 。
不 過 電 影 課 程 涉 獵 廣 範 ， 我 相 信 只 要 有 心 研 習 ， 精 於 任 何 一 個 範 疇 ， 就 算 唔 係 o係 電 影 行 有 發 展 ， 第 時 都 一 定 搵 到 食 ， 仔 女 鍾 意 o既 ， 放 心 俾 佢 試 一 試 ！
莊 文 強