尋晚睇左《傷城》，因為之前睇過 Trailer 都覺得很平淡，所以沒有期望，結果是沒有失望。梁朝偉真是無話可說的好，他面上每一個細微的表情改變都交待著一點東西，說他是一個奸角的話不夠貼切，他還表達得更多… 金城武、舒淇只是以稱來形容，他們的角色實在太適合他本人… 杜文澤，好好… 徐靜蕾，沒有什表現，沒有得發揮嘛…
看過一些網上評論，很多人話悶、話個橋多犯駁位、鬆散等等，其實和我的意見完全相反，我覺得真係唔悶、故事合理、扎實… 這齣片給我比較特別的感覺，沒有刻意去扭橋、華麗的動作爆炸場面，平平實實的說故事，帶出一點的戲味，這樣我就覺得滿足了。
俗語云：貧賤夫妻百事哀，但嫁入豪門又係咪係想像中咁好呢？
因為最近工作忙了少許，有時拎左部份工作返屋企做，又讀緊個 Course…所以少了 Online…無事出街少破財，所以一切消費都少o左，但偏偏呢個時間我收到大廈的通告，要每戶比二萬幾蚊作大廈維修費！棟大廈睇落去好地地唔明點解又要整囉！話說大約十年前已經作過一次大維修，每戶比左幾萬，據說最後部份維修費仲比人終飽私襄…真係一肚氣。錢來得快時，去得也快…人生就是這樣無奈…
剛剛睇完《東方之珠》（很垃圾），但片尾個個版本o既 The End of The World 真係好好好好聽呀… 好聽過原唱… 但係有冇人知道係誰人唱的版本呢？
星期日晚 HBO 做《吸血迷情》，因為當時唔得閒，所第一時間錄底…我第一次睇《吸血迷情》應該係讀初中的時候，同而家已經相差了十幾年喇，今晚睇返，真係好正！想像下 Tom Cruise 、Brad Pitt 、Antonio Banderas 這三位當今仍是荷里活一線男主角聚埋一齊，這種卡士都已經係絕無僅有…劇本有心思和創意，令人深刻… 感愛情線上那種不倫之戀的感覺… 再加上一點點同性戀的味道… 那種揭秘式的說故事手法，那種殭屍的神秘…全部都令人難以忘懷。故事時空橫跨十八世紀到現代，無論人和服飾都好靚。我會諗哪一齣電影能夠做到如此精密的計算？無論演員、故事、攝影都近完美。
P.S. 戲裡面那個和 Brad Pitt 發生戀情的小女殭屍，原來就係 Kirsten Dunst ！！（佢咪就係蜘蛛俠個女主角囉，佢做《球戀大滿貫》時候仍然好靚，不過做蜘蛛俠的時候已經開始唔靚喇）
未來股市展望…雖然跌了一點，但金融股現價不合理，現階段不是大手入市的時機，仍可以考慮的只有資源股；若大手入市只可以期待恆指跌穿 50 天平均線的一刻。另一情況要看 12 月首星期股市走勢，因為十二月份通常係基金做粉飾廚窗的月份，如果要入市，12 月的首星期應是最佳時機…
據知現市大部份基金的現金持有量很高（因為之前股市不斷上升），同時股票 Account 借錢的比例太少，這是升市和抗跌市的一大力量。仍然期待大市調整，因為大市並不能脫離基本因素；當美國經濟疲弱，通賬下降，美國開始減息，令公司盈利上升，股市才有真正的動力。
最近睇華爾街日報，有一篇文章題目“有效理財九大法則＂，其中有一個法則講得幾好：
別患上享樂適應症
花錢並不能給你帶來快樂。然而許多人都這麼做﹐於是他們一生都要面對高額的信用卡帳單﹐以及失望的情緒。
知道這個心理循環嗎﹖你看中了某件商品﹐然後認定非要得到它不可﹐於是付帳。然而幾週或幾個月之後﹐你就把這件事忘得一干二淨﹐又開始新的物質追求了。
學者們把這種現象稱為“快樂水車”或“享樂適應癥”(hedonic treadmill)。從中可以吸取的教訓是什麼呢﹖如果你想得到快樂﹐別到購物中心去尋找﹐那裡是找不到的。
當自己想買o野o既時候，想一想自己為什麼而買，是為了快樂嘛？如果係，而它又能給我多長久的快樂呢？如果將要投資的錢和時間花在另外一些東西上，例如親人、朋友和學習上，會不會得到更有效益和持久的快樂呢？