購買清單~
October 1, 2007 NBA 2K8 2K Sports Sports
October 9, 2007 FIFA Soccer 08 Electronic Arts Sports
November 5, 2007 Call of Duty 4: Modern Warfare Activision Shooter
November 13, 2007 Assassin's Creed Ubisoft Action
November 13, 2007 World in Conflict Sierra Strategy
因為屋企有 NOW 有 HBO
每逢 Weekend 都可以碰碰運氣有什麼好戲
同租碟有些不同，租碟是有目的地選片，多少有點計算
但抱住碰運氣的心態看 HBO，每每發現驚喜
今日坐定定看完了《球愛可人兒》，
好好睇，正氣、清新和陽光…
學學女生的口吻講（台灣用法）：很窩心
一直我都無玩過 Halo 系列，以前淨係玩開 CS, Battlefield...
最近買o左 xbox, 開始留意下有乜野 game
點知個個都話玩 halo...
係我眼中, halo 咪只係一隻 fps..係靚 D 咁解, 點解外國會 hit 得咁緊要...
於是我 google 返 halo 的故事, 睇 wiki... 睇 youtube..
上 gamespot 睇返 halo review, trailer...睇過 halo 小說的大綱...
嘩，原來 halo 創造了一個宏大的宇宙觀，就好似一篇波瀾壯闊史詩咁
主角就係人類的希望... 呢 D 原來係隻 game o既精髓
我睇完曬呢一切之後，突然好想玩…
好想知道 halo 劇情，好想去感受下 halo 的世界
(因為語音問題, 所以未買)
近期不停地聽的一首歌，是自已無意之間在網上找到的…
首一分鐘是這首歌的精髓所在…久違了的電子結他…
腦海裡出現了一片景象：
半醉走在繁華街頭，正處於人生的十字路口
不知道何去何從，決定沉迷於夜色之中
前幾天，有朋友講話當無買到邊隻邊隻股票
買o左邊隻邊隻又早放o左，而家已飛天好唔抵
今日和同事們飲茶，又傾到類似情況
又一次証明，股票市場，並非單憑技術
最重要是在心理質素上決勝負
成功的投機者或投資者，心態必須相當穩定
心態穩唔穩定係建基於你對資訊掌握了多少
靠你當初買入時的分析，靠你的經驗作判斷
而並非勇字當頭，死守爛守…看看電盈便知
而再說，論投資如巴菲特，可以像科學一樣
拎曬全盤資訊、計曬數，可以理性判斷一隻股票抵唔抵買…
而投機就像是藝術，因為市場超越了理性
買賣要靠一些技術走勢去支持，有時候更要出作直覺的判斷
這種就是靠經驗，取得經驗最快捷的途徑便是在失敗中學習
有冇聽過小馬過河既故事？有一天小馬欲過河，便走去問長頸鹿叔叔水有多深？長頸鹿話水好淺。小馬又再跑去問松鼠，松鼠話水很深。搞到小馬唔知點算好？所謂「股市專家」，佢地都以本身經驗去話畀散戶知。我老曹好反對打電話問功課投資法，小馬如要過河，必須自己去了解、研究，唔使聽長頸鹿話，亦唔使問松鼠。
小馬如要過河，必須自己去了解、研究! 這句最好.
沒有下苦功, 過河一定死! 下了苦功, 起碼知道自己是怎樣死!
你抄人跟人都要自己做下功課. 捉埋條魚俾你, 你都要有知識分辨會唔會係雞泡, 人地釣到雞泡會識整好好味或者一早掉, 你就食瓜左.
今日大市再創新高
言尤在耳，星期六剛和舊同事傾開新高，今日就破比你睇
386、 902 一直在我的 Watch List 之內
因為呢兩隻係市場上最平的國企大股
386 技術走勢一直良好，只是從油價和國策上分析
沒有太大前途，所以我一直都沒有買入
902 也是一樣，不過技術走勢頗差
在國企炒無可炒的情況下，
估唔到今日 386 和 902 都飛升了
“非理性亢奮＂出現…
Xbox 的 Game 迷都期待 Halo 3 的上市
Halo 我未玩過，但係就個個都話好好玩
猶豫在玩與不玩之間，首先最好找找 Halo 的故事看看
發現原來個故事都幾正
常聽到人問：買唔買匯豐？
通常一樣不合理的事情，不會永遠地維持著
匯豐的股價已經落後了大市很長時間
這是一件不合理的事情
匯豐無論從任何角度都是一間出色的公司
所以我認為匯豐終有出頭天
但我常說：Timing is everything
無人可以有信心估到匯豐幾時才會爆上
所以，如果你是一位耐性很好，情緒非常穩定的投資者，才好買入
但這種人，真係找唔到幾個
三星期之前買入的恆隆地產(已沽出)、江西銅、中信泰富、綠城中國
各已有不俗回報(平均 +15%)
地鐵、中國人壽則慢慢發力(平均 +3%)
失敗的作品有蒙古能源，呢隻o野係自作孽
就算係震倉我亦必須止蝕(-20%)，等如將恆隆地產所賺的一筆勾銷
我通常都係死在這些股手上
星期五我買入了路勁基建，現時組合 50% Cash
並已入飛抽 SOHO 和奧園
一個令人安心組合，進可攻，退可守
當大市飛天，我會再找尋相對便宜的股票
當大市回落，或許我會增持中信泰富或買入恆隆地產
尋晚去飲，新郎哥係以前的同事
結婚真系一件好開心o既事
但同時間都係一件好辛苦o既事
如果我要結婚，就一定唔會擺酒喇
因為我是一個很怕出席這種場合的人
與期做一場 Show …
我不如拎十幾萬出黎，去渡一個超級豪華蜜月
不過呢o的o野到時分分鐘係另一回事
不由得我作主也未定
有陣時回望我寫 Blog 的話題
都會察覺得到我某一段時間沉迷緊o的乜野
好明顯呢期係股票啦…
每當我對某一件事物產生興趣，我都會沉迷…
然之後離開。
--
小學：沉迷睇電視…
初中：打機、玩電腦…
每天放學去商場用 $5 租遊戲機打 15mins … 抄 Game
係咁洗錢，敗家仔
高中：玩 Online Game，拍拖
日夜不停地打，最後賣 Account，賺左 $1700
拍拖荒廢學業
大專：沉迷讀書、哲學、藝術（Monet 作品）、政治、電影、歷史
這是人生比較有意義的時期，閱讀興趣在此階段養成
股市迷人的地方係，一入o左去你就好難走返出黎
除非輸到一舖清袋，收心養性…
基本上中國 CPI 咁西利，港股無理由唔跌，但佢就係唔跌比你睇
其實尋日應該跌，佢又唔跌… 呢個市係十分之難玩
你可以話易玩又得，因為矇查查都可以賺錢
今日有隻意外收獲係蒙古能源，爆上中
（但記住切忌高追，Timing is everything）
--
回應 Benny 留言：
匯豐的確係一個好好o既選擇
--
在浮沉於充滿銅臭的股市裡面…
我生活中唯一的清泉就係聽《張永霖的世界》
他的正直，是我一生的學習對象
其他讚美的說話不再重覆
今日收到宣明會的信，我成為了宣明會中國之友
我本身已經係樂施之友（大約一年多前開始）…
要成為會員好簡單：捐款
張永霖的說話或多或少啟發了我
有人話我捐款好傻，我無意見
因為我明白世上往往有很多我們認為正確的事
我們偏偏唔去做
當我環顧身邊擁有的一切，令我去諗：這是我應得的嗎？
更明白施比受更有福的道理
基本上睇到而家個股市，我真係唔識睇
但有一樣係十分明顯，大陸同胞幫我地托住個市
唔上唔落，逢低即掃…政治主導，阿爺玩曬
我覺得自已現在已成饔中之鱉…
升我唔會沽唔會買，跌都唔會沽唔會買，死局！
毫無生氣！
--
多謝 Benny 留言！我的睇法同上，無眼睇
現在的我盡量做到賺錢不會狂喜，蝕錢也不會狂悲
係最近兩三個星期，我入市分段吸納
基本上整個投資組合佈置完成
而家係等收錢！
--
口出狂言係咪？我亦預o左未來或許會出現一個 10% Correction
而那一刻我亦會洗出最後一發子彈入貨！
因為我手上仍然有 40% Cash
發現自已越來越眼淺，星期天 HBO 播 Curly Sue，真係好好好好睇呀…
91 年的電影，當年我還未讀完小學… 現在睇返，好有八十年代的情懷
做 Curly Sue 個位童星，係我見過最識做戲的一位童星，亦是最可愛的一位。
成齣戲都好溫馨、好感人、好浪漫… 我醉了
本文將介紹羅賓遜(F.P.Robinson)所設計的一套有效讀書方法一SQ3R法。其步驟可分為五:
1.概覽(Survey)2.發問(Question)3.精讀(Read)4.背誦(Recite)5.複習(Review)。
壹：概 覽
所謂概覽是指先將我們要研讀的範圍迅速、概略地瀏覽一遍。概覽時注意書名、作者、出版日期、前文、序言、目錄、附錄、參考書目、索引等以瞭解全書的大要。然後迅速略讀內容，注意其章節的分法，如每章有簡介或總結，更不可忽略。如此可獲得對該書的粗淺印象。此外，注意它的圖表與標題，從其大標題、小標題、正體字、粗體字的不同來區分它們的重要等級。再者，注意閱讀第一段及最後一段。因為第一段通常會說明全篇的主旨，最後一段通常是全篇的摘要或總結。
貳：發 問
當你概覽之後，試著自發的提出問題，把篇名、章節標題、及其他關鍵字轉變成基本問題。你可以用「誰」、「什麼」、「何時」、「何處」、或「為何」等疑問詞來自我發問。設文章第一個標題為「權力的本質」，你就自問「什麼是權力的本質」。
參：精 讀
在發問之後，你必須透過主動的、批判的閱讀，試著找出它的答案。當你碰到某些細節或段落裏的主要概念，有助於解答你所提出的問題，你可以劃重點、做眉批、或用螢光筆做記號以加強印象。以下是劃重點的原則:
(1)讀完一個段落後再劃重點。假如邊讀邊劃重點，你後來會發現有些 重點其實並不重要。
(2)不要劃太多重點。在書上劃太多重點，反而看不出重點所在。原則 上每頁所劃的重點不能超過該頁資訊的百分之二十。
(3)劃重點有助於你做讀書筆記。
(4)用雙線、曲線或黃色螢光筆把最主要的概念劃出來，每段只劃一個 最主要的概念，並且只在其關鍵點劃線即可。假如主要概念分散在 數段，可用1,2,3，等數字加以標示，以利記憶。
(5)用單線劃重要細節。通常每段不要劃兩個以上的重要細節，而且只 在其關鍵點劃線即可。
(6)對於最重要的概念可在書中空白處用星號「*」加以標示，以利於 複習。
(7)重要的學術名詞的定義可用圓圈註記。
(8)重要的細節如舉例、因果、步驟、特徵等可在書中邊緣處用 「例」、「因」、「果」、「步驟」、「特徵」等字詞加以註記， 以利查考。
肆：背 誦
在你讀完每一節後，暫時離開書本，試著向自己背誦教材的重點。用你自己的話或文字，將文中有關的問題的答案背誦出來。背誦時如有困難可以回頭重讀，一直到能背誦出重點為止。背誦時不妨大聲唸出來或寫在筆記上，如此可加深印象，有助於長期記憶。筆記的形式可依問題一一解答，或依綱要、圖表等形式來撰寫。在完成一節之背誦後，你可依此法繼續進行後面的章節。當全部完成後再重讀原文一次，以檢查筆記有無疏漏。
伍：複 習
當你依上述步驟完成整篇的學習之後，可以開始作總複習。複習時包括你的課文眉批、重點、筆記、綱要與圖表。複習最好在平時定期進行，不要到考前才臨時抱佛腳。複習的步驟，首先重讀每章標題，試著回憶重點，然後參照筆記，將記憶模糊、未理解的部份，對照原書，再重讀一次。其次，複習每一節，就自己的筆記、書中標題與摘要迅速複習。
也許有人會認為SQ3R法太浪費時間，但如持之以恆的練習，必會產生良好的效果。當然SQ3R法並非一成不變，可以因學習材料與學習目的不同做適當的調整。