今晚是網球之夜，真係有益身心又好玩，好明顯感覺自己體質上有些改善，初初學網球的時候，只要打一兩個鐘頭網球，第二天就會手痛腳痛；但現在無論打得多激烈，回到家沖完涼，訓一覺就能完全恢復。
--
有朋友問我買過什麼股票，其實我的買賣紀錄沒有多大價值…今年裡面我買過：匯豐(5)、中石油(857)、中海油(883)、建行(939)、宏利(945)、交行(3328)和領匯(823)，現繼續持有匯豐(5)、建行(939)、宏利(945)、領匯(823)，就係咁多，全部都係大路o野…
今個星期有位新同事要走，我稱他為新同事，因為他只來了我公司三個月。他將會去 Morgan Stanley 做，項目： C++ & Real Time System，未來將會有機會到美國 Training… 實在太令人羨慕喇！我常常說：“做越接近錢的行業，就會越賺錢＂，這或者是個謬誤，別人 Challenge 我：那做收銀的不就會很有錢嗎？我的羨慕是出於好奇和幻想，其實現在的工作很好，努力去做才實際。
--
看討論區，很多人將他們的投資成績表 Post 出來，有些人做到翻兩翻，有些人做到 7-80% ，大部份人的成績都是 3-40%，我也粗略計算過自己全年投資得失，約賺 30%吧，在大升市入面，只要買進一兩隻大藍籌，這種成積原來是很平常，睇返盈富基金全年走勢，將成副身家買曬落去都差不多，我只可以說係係同“大市同步＂…
重回工作的第一天，又出了一點“狀況＂，是關於爸爸的健康問題。為了照顧爸爸，今天請了一天的假，昨天也請了半天假，加上上星期我又放了一整個星期的大假，真的很多天也沒有上班了…可能是放假太久的關係，缺乏了對工作的一點熱情，希望過兩天就能重拾正軌。
--
恆指大跌，跌了五百幾點，我沒有什麼感覺，跌了一兩千點才算。
--
媽媽展轉地發現了我是樂施會會員，對我頗有微言，我知道將自己的一套價值觀說出來，她是不會明白。她只要求我做個孝順和很會賺錢的人，那怕我是個為求目的，不擇手段的人，她也不在乎…但我不想這樣…從某一天起，大約年幾前，我發現自己比世界許多地方的人好運，實在好運大多喇，而現實又太不公平，我認為自己有能力，我唔應該再咁自私，我應該為世界付出一點。當天起我開始支持正版，開始定期捐款…有時 當你認為有些事情係你應該去做，就做吧！正確的事，不應考慮太多，就算是被人家指指點點…在這個世界裡，你要明白很多東西不是你應得的。
當你有一套怎樣的價值觀，你就會作怎樣的事情；當你作怎樣的事，你就會成為一個怎樣的人；當你是個怎樣的人，你的人生也會怎樣。
在大陸的日子
請了五天的大假上大陸，目的是和媽媽家姐一起吃喝玩樂，見見親戚朋友，relax 一下吧！但好多時都事與願違，話說準備花半日時間幫媽媽做的賣樓手續，搞搞下就花了幾天…周圍走，去了不同的大陸機關辦手續，由朝搞到晚，真係煩死人，效率又低…而今次更令我親身體驗到建行（939）的服務質素，返到黎香港我真係好想沽o左佢。對假期沒有什麼不滿，就當幫媽媽做事也是我的責任，而大家相處的時間裡都有開心的時刻，而且食o野好平又好味，大魚大肉也不會肉赤，吃飽飽的、傾傾計過一個晚上，我很享受。
返回香港的日子
在大陸我可說是與世隔絕，沒有電視、沒有上網…返到屋企第一件事就係打開電視睇新聞，我發覺 NOW 財經台真係好好睇，唔好講股票分析得準唔準喇，有幾個節目我覺得內容充實：《大鳴大放》、《市場放大鏡》、《環球金融快線》等等…其實其他節目也很好，不過我不記得它們的名稱。無辦法，平時我很少看電視、也沒有電視的控制權，只有在假期兼獨居的環境下才能夠一窺 NOW 財經台，坐係度我就睇o左成日…
不過我發現有一個問題，如果整個交易日都睇住財經台，你會同個市跟到好貼，就好似你個人行 緊一個 Shopping Mall 或者超級市場咁，周圍不斷有 Sales 同你介紹邊隻產品好，邊隻產品唔好，行得多自然會心郁郁，唔多唔少都會忍唔住買o野，有o的可能真係好o既產品，有o的係次貨都未定，隨時賴o野…
財政赤字
大約一年前，我開始每月為自己做一張 Balance Sheet，記錄住我的收入和洗費，咁樣會比較有系統咁計劃我的儲蓄、投資、消費等等。一直我都做到收支平衡，但係近呢三個月都錄得財政赤子，財政赤字來自多項的非經常性花費，包括幾件電器、返大陸的洗費、圖書、遊戲、食飯等等…除了自己缺乏紀律之外，我發現信用卡係其中一個罪魁禍首，信用卡真的能夠減少自己消費時的考慮和壓力，以前我唔會覺得係咁，但自從使用信用卡成為一種生活習慣之後才慢慢發覺。我認識一位女性朋友並不擁有信用卡，我開頭覺得好奇怪，沒有信用卡我會覺得很不便，但原來減少這一種方便，你每次消費都會更加諗過度過，未嘗不是一個好習慣。當然，女性有一個先天的優勢，就是平常的娛樂消遣，可以交給男朋友來支付，男朋友沒有信用卡就不行喇…
星期日好節目
見今日比較得閒，屋企又好似好大塵，所以進行一個大清潔，先吸塵，後拖地…搞搞下個人真係超熱，出曬汗，於是打大赤肋繼續做…見把風扇大塵，拆o左佢，再清潔…周圍都執o左o的垃圾出黎…做完曬之後，好支力，但周圍乾淨又整齊，幾滿足，住都舒服o的。情況就同 Programming 差唔多，Refactor 完之後我都會有咁o既感覺，不過屋企係會比阿媽睇到，會有人讚下，但寫 Program，老細就唔多理會喇…
佛山有什麼好玩？我不知道…返去我只預期見見親戚朋友、拜拜婆婆，因為成十年未返過去，真係係街度見到佢地都會唔認得。都咁大個人喇，想返去同佢地見個面，搞好些關係…前一排爸爸入醫院，令我意識到萬一爸爸媽媽有什麼三長兩短，我就已經同內地的親戚失去聯繫。有o的o野，若果你唔肯花心機、花時間去付出，就會慢慢失去。
每一個地方，我都會存在一些偏見，係我眼中大陸係好恐怖…治安差、衛生差、交通差…我想大多時間係佛山都是在睡覺和看電視。不過這是一個難得的機會和媽媽、家姐好好溝通，很多吵吵鬧鬧也說不定…
黎緊我會放一個星期的大假，因為放假之前比較忙，沒有時間 Update 網頁。今日放工同同事食完飯後，去了深水步看看 PS3 和 XBOX 360 隻 Gear of War… PS3 真係比想像中差，而家反而有 D 心動買 XBOX360，因為有幾隻 Game 我都好想玩，包括：Gear of War、Ghost Recon、Call of Duty 3 、Dead Rising 等等… 不過依照我性格，買o左返黎，玩幾玩之後就會放埋一邊，我再沒有太大心機投放去遊戲上，成日都會覺得，花咁多精力和時間去玩，不如做返多 D 有意義o既o野啦。
行o左幾行，買了 NDS 新 Game：應援團(美版)，諗住放假可以帶埋玩…買了《程序員》雜誌，聽日搭車時候睇…預期我會早幾日返黎，所以買了 50 隻 DVD-R，準備提早返黎o既時候可以花時間陪爸爸睇歐聯錄影…返到屋企，將 MP3 機差足電，過好歌、過好電台節目，當悶o既時候可以聽。再 Set 好股票止蝕位~ 諗下拎邊本書去睇好…執衫、執o野…
尋晚睇舞台劇之前，走了去銅鑼灣“雪村（Kushiyaki Sesson）＂食飯，朋友話如果之前唔去訂位就會無位，因為無線有個飲食節目介紹過…
味道好好，環境好好，服務好好~ 不過價錢就唔係幾好… 幾串串燒 + 幾舊婦羅 + 幾舊飯團，四個人就四百幾五百蚊了…最尾大家都唔係幾夠飽，要叫多個烏冬填肚。行過麥記，每人買多個雪糕當甜品。
我唔係食家，食評都係參考返 OpenRice 好o的 :)
尋晚睇o左《我愛你，你咪理，死未？》，有朋友問我點解會去睇？因為我一向很少看無舞台劇，對上一次我睇舞台劇已經係半年前o既事。點解睇，不知道，總之很想睇…
《我》係一齣音樂劇，談情說愛是主題，它將現代愛情的（醜惡）現實用一種搞笑方式表現出來，好好笑的同時，也會覺得好悲哀：
現代的即食愛情，人人對愛情都急不及待，運用各種手段，互相欺騙、口不對心，愛情淪為洩慾工具，情侶只因世俗的觀念痛苦地行埋一齊，再痛苦地分開，最後發覺自己在愛情路上已經走頭無路…
現實又係咪真係咁？有一些我了解得到，有一些我不知道，但感受到周圍的觀眾的反應，知道他們很有共鳴。
節錄劇介紹的一段話：「咁係咪睇完之後包保唔會再做情場炮灰？Sorry，當愛情殺到埋黎，有時真係唔理得咁多！」，從來我都覺得愛情難以捉摸，它是一樣無論你花多少努力，但結果都不一定成正比的東西，但我嘗試去了解它。
梁靜茹的新碟，真是能給我一種很“親親＂（甜蜜）的感覺，其實我覺得佢幾靚（某個角度），把聲也好聽，所以都幾鍾意佢。精選了一些歌，可以一聽：
“親親＂、“憨過頭＂、“暖暖＂、“小手拉大手＂
隻碟很有突破嗎？我不覺得，聽開她的就聽。
間歇性地想念上年在台北的旅行，我想念的是一份感覺，很難用文字去形容…或者是我少去旅行，未適應當地的環境產生了一種化覺作用，那個城市好像怎樣也看不真…各個地方都給我完全不同的感覺…
我想和喜歡的人一起行上微雨中的九份，到了山頂在茶莊喝點茶，看看山景休閒一下；一起行士林夜市、西門町，吃小食，買喜歡的飾物和禮物；享受誠品的書、燈光、音樂和氣味；走上101大廈和美麗華的摩天輪府瞰台北市夜景，體驗浪漫…
這只是一份對未來的幻想投射，現在我還是一個人，或者就是這樣，這種感覺就愈揮之不去…嗯，就算當晚我獨個人行誠品，也挺浪漫的…
Giving creates space. And space gets filled up again. If you are feeling poor, try giving a little away. I’m not saying to give your life savings away, but try giving even a little.
...
Life is meant to flow. And we are meant to give. Money is like anything else. Let go of the tight grip and get out and give a little!
Reference: Don’t GET Rich Quick. BE Rich Quick.
上市公司的錢 = 股東的錢？未必係；
政府庫房的錢 = 納稅人的錢？理論上係，但實際上唔係，因為佢係唔會派返比你，政府可以亂咁洗曬佢。
上市公司的錢，幾時屬於股東呢？就係派息的時候，所以投資股票最重要係睇現金流，派息比率，因為個 D 錢先係最現實，現兜兜落袋。私有公司就唔同，公司o既錢係百分百屬於股東，可以隨時拎錢走，但上市公司就唔可以，就算主席都唔可以將公司錢當自己錢洗。
梁伯韜，購入百分之二十三股權，成為電盈的大股東，電盈o既錢其實唔關佢事，派$100佢先可以拎到$23。將來佢買o左90億股票之後，佢係電盈要得到現金的唯一方法係派息，其實得益唔係好多。電盈又唔係派好多息，現金始終有限，而且佢係 $6 買，現在 $4.8，唔見左 20%。
相對李澤階當初的方案，將成個香港電訊，百分之百賣比麥格理這間澳洲財團，當麥格理取得香港電訊之後，香港電訊所產生的現金就全數歸其所有，那些現金可以用黎做什麼都可以，唔需要等派息，李澤階就可以將賣出來的收益派發給小股東：Win-Win Situation。
話說有日聽到曾展章做電台節目的嘉賓，他大談辦公室政治的經驗，覺得幾好聽…聽聽下原來係介紹緊他的新書《辦公室對碰》。今日放工之後，到書店逛逛，咁o岩睇到這本書，加上為心晴行動基金籌款，都算幾值得買。
今晚睇o左《妄想》，本來諗住係驚慄片，點知原來唔係，只係一齣前半段幾悶，後半段扭橋扭得唔係太"靚"o既懸疑片。如果五分滿分，我都會比三分，因為攝影的技巧都幾好睇，音響唔錯，而阿 Sa 真係比到一o的好"妄想"o既感覺我，可惜故事唔夠緊湊，劇本又唔係好突出。
梅菲定律話過：任何可以出錯的地方都可能會出錯。
今晚約o左人睇戲，我好早就去到，拎定飛，再去無印良品買o左o的零食準備，之後等呀等，點解都仲未到o既呢？打電話，無人聽，點解架…原來係我部電話出事！死火…