今日同 Team Leader 傾到搞生意的問題，講開原來搞生意唔係想像中咁困難，最困難之處在於你能唔能夠決定到去做。普遍人的障礙在於，以為做生意要很多資金，以為做生意係一件很困難的事，往往議而不決、決而不行… Team Leader 介紹到香港商機這個網站，嗯嗯…要好好計劃一下…
原本諗住約一班同事打網球，但係陰差陽錯o既關係，最後得返我和另外一位“前同事＂打，兩個人打兩個鐘，開頭都有o的擔心…到底自己體力支唔支持到呢，我未同對方打過，他的實力會如何呢？會唔會好悶？
但一打落去，原來大家水準差唔多，互抽十幾板，真係好正！不嬲我反手都打得好過正手，因為教練常常話我握拍手勢打打下就變o左唔o岩…今日用正手抽得多，掌握了一些竅門，終於識得用食指位控制球拍…發球都好o左。
開頭的一個鐘的確累得好緊要…但打順o左，唔洗點追波，所以體力都還可以。最可惜o既係，一次狂抽打中拍邊，打唔見o左對方一個貴波（仲係新開的）…美中不足。
好Cute、好搞笑、好得意呀！！！細路仔把聲係最好聽~
http://blog.hkcsl.com/p/b5/web/ViewBlog.jsp?msgid=3775
我喜歡 S.H.E，事源我聽過她們一隻國語碟，覺得整隻碟都好好聽，及後從《綜藝大哥大》睇到佢地，性格幾真幾好笑…所慢慢多o的留意佢地…之後幾隻碟都無令我失望。
我聽過佢地一首歌叫《十面埋伏》，我覺得首歌編曲編得好型，而且用一個武俠角度去睇愛情，都幾得意…由於未睇過呢首歌的 MV，而我又成日會諗下：呢首歌o既 MV 應該點拍好呢…
“諗下首歌的 MV 應該點拍＂係我的癖好，《十面埋伏》係一首我花了最長時間去諗o既歌，因為我實在諗o左好多好型o既 Shot。
而家係 YouTube 重溫返首歌o既 MV ，當然和我諗o既拍法有好大出入，我梗係覺得自己o既好o的 :P
PS：女仕們要留意歌詞~ 幾有意思的。
http://www.superfate.com.tw/22_free_8word/
手多多玩o左…發覺都幾準… 諗過 Post 個結果出黎，但驚比人睇穿曬我o既性格…都係唔 Post 喇！
“未來的您，很會賺錢，但也很會花錢。＂無錯，洗錢是我的強項，但暫時未找到“很會賺錢＂的方法。
《Company of Heroes》睇落真係好正，係 GameSpot、IGN 和各大 GameSite 都有 9 分以上評價… 網友好評不斷… 身為二戰迷，唔玩唔得… 即刻 Download Demo（1.8GB) 一試… 我部機推都推唔郁… 唉…
由於今日是某同事生日，所以同一班同事（大約 7 人）去唱 K。由兩點半唱到七點，但我其實都唔係唱好多，因為好多新歌都唔識唱，如果唱返o的舊歌又真係唱到爛曬同埋好悶…所以以後唱 K 之前一個星期，最好都係溫習下現時有乜o野新歌好o的。
今日唱完“愛得太遲＂… 基本上已經滿足曬…
P.S. 爸爸康復得很好，可以落床了！
我有一種經驗，就係發覺睇書得來的知識不是一朝一夕能夠應用得到…當你睇完本書「嘩！好正呀！」你會好快想依住本書去做，但做做下，熱情退卻了，就會慢慢忘記…無o左件事，如是者我試過無數次…
但在某一刻，眼前的事物會令你突然間醒起某本你睇過的內容…你會浮現出一種睇法、一種有基礎的分析…然後應用…而獲得一個不錯的效果。這種經驗我不是常常有，但一出現的時候我會很開心，因為感覺到知識慢慢融入在我思想裡面。
我睇書有一個缺點，就係無論睇“即食書籍＂（如投資、Self-Help等等）、歷史或小說等，我都會自然地忽略很多內容細節，最後以極快速度忘記…係極快！但唔知點解某o的時候神推鬼拱我又會諗返起，而且有更深刻睇體會，然後再重溫返，睇睇睇。如是者來回幾次，因為我 Skimming 的速度很快，反而效果不錯。如果加埋之前的“五色螢光筆＂，Skimming 的速度還可以更快，覺得這種方式很適合我，大家可以參考下。
買股票o既時候，到底幾時買，幾時沽先至係最好？我記得睇過一本在圖書館借o既書，書名唔記得o左，作者都唔記得係邊一個，但肯定唔係我地成日見到、聽到o既財經演員，佢本人掂唔掂我都唔知，佢咁講：
其實買賣的秘訣，最好的係做到“順勢買賣＂：
- 股票插緊o既時候唔好買住
- 股票升緊o既時候唔好放住
- 股票由跌轉升的轉勢（等佢升少少先）下買入
- 股票由升轉跌的轉勢（等佢跌少少先）下沽出
- 你唔能夠賺到盡
- 想買或者會買唔切
- 跌o既時或者會放唔切
講就天下無敵，得唔得就…
不經不覺就已經過了 5 年，5 年前我當時仲係食緊飯睇緊電視…
見到第一棟被撞… 再過一陣… 到第二棟…之後我同朋友傾電話… 突然間… 消失了…
一切都歷歷在目，好記得當時我在電話裡說：打仗了！打仗了…世界大戰了…
好多時我的預感都不靈驗，千年蟲…禽流感…都係唔準…而世界大戰至今仍未發生…
但現在見仇恨不停在蘊釀，希望我的預感繼續唔準落去…
今天離開醫院之後到處逛，又逛上了書店，因為很久沒有讀小說…買了《歷史學家》，又破了財…
回到家，睇到房裡面周圍都係書，本厚厚的《歷史學家》都唔知可以放係邊度…想做點體力勞動，落街花了 $200 買了一個櫃，花了一個半小時裝堪。
- 市場輸家是時常懷疑自己和自己的買賣方法。
- 市場輸家的買賣是為了追求刺激，將買賣視為一種合法賭博。
- 市場輸家是時常"逾度買賣"，缺乏投資紀律。
- 市場輸家是沒有妥善的資金管理技巧，或甚至完全沒有資金管理技巧。
昨晚寫了一段很感性的說話…
今日的心情都還好，因為爸爸的手術很成功。
還是有點鬱悶，沒有嚴重的不開心，也沒有開心…
生活仍然繼續，但不想去傾電話、不想去覆 email…
對網頁還是有留戀…再玩 Winning 來麻醉…
打算用來今個月入市的錢，要作另外的用途，錢未來可以再賺，適當的時候就應該要洗…
工作上的笑容有點假，因為我沒有快樂…
近期睇過 JoelOnSoftware 的 Language War，文章很有價值，當中佢提到o既 Wasabi 引來很多回嚮，LoudThinking 用 Fear, Uncertain, and Doubt by Joel Spolsky 作反擊，之後的 Was Joel's Wasabi a joke? 更加有o的挑釁… 另外一個 Blogger Nik Cubrilovic 也加入了戰團… Joel 之後又寫了篇關於 Wasabi 之謎…
整過過程，唔知你覺得有冇趣味，但我真係覺得幾好睇，包括那些網友們的 Comment 。
今日在公司午飯時間收到電話：「爸爸前幾天入了醫院，要做手術」，一時間我不知如何反應…
這幾天都是靠大陸來的五叔一家照顧爸爸…也是靠他們通知我…身為兒子的…覺得好慚愧…
下午在公司…有點雲遊…哭過…不過沒有被人發現…
放工…等了…又等，為什麼那一架 203E 巴士要等這麼久？
落車…九龍醫院要怎麼上去？那一條路才對？周圍都很黑…那裡才是 D 座？
走出電梯，那裡是 30 號床？找到了…怎麼不是爸爸？在哪裡…在哪裡？
打電話給五叔，怎麼我把 39 號寫成 30 號？
我看到爸爸…我再哭了…
- 市場贏家擁有高超的忍耐力，等待低風險高回報投資機會出現才會入市。
- 市場贏家對一些不可避免的小虧損不會介懷。
- 市場贏家習慣信賴自己的判斷，他們的信念不會輕易受人動搖。
- 市場贏家是會採取周密的資金管理技巧，入市前先作好完善部署，並作出兩手準備，一旦市況發展未如預期，已有應變措施，而不是抱著見一步走一步的被動心態。
- 市場贏家是不會到處宣揚他們的買賣活動的。
上個星期三晚同朋友去o左睇《籍著歌聲說愛你》的優先場，成九點半先開場，睇完都要十一點半喇，掙扎過睇唔睇，不過都後都係睇o左，好在呢齣戲無令我失望。Kevin Spacey 是我入場的原動力，因為我幾鍾意佢。估唔到出奇地精彩，歌好聽，舞好睇，集編、導、演於一身的 Kevin Spacey 使盡渾身解數，完全是他的個人 Solo 。
今個月睇了成五齣電影，洗左唔少錢，但估唔到呢齣唔洗錢o既，係最好睇o既。