Blog Matthew (OLD)

原本諗住約一班同事打網球，但係陰差陽錯o既關係，最後得返我和另外一位“前同事＂打，兩個人打兩個鐘，開頭都有o的擔心…到底自己體力支唔支持到呢，我未同對方打過，他的實力會如何呢？會唔會好悶？

但一打落去，原來大家水準差唔多，互抽十幾板，真係好正！不嬲我反手都打得好過正手，因為教練常常話我握拍手勢打打下就變o左唔o岩…今日用正手抽得多，掌握了一些竅門，終於識得用食指位控制球拍…發球都好o左。

開頭的一個鐘的確累得好緊要…但打順o左，唔洗點追波，所以體力都還可以。最可惜o既係，一次狂抽打中拍邊，打唔見o左對方一個貴波（仲係新開的）…美中不足。