事前我對這齣電影的了解不多，覺得會係一齣很普通的驚慄電影，但估唔到都有幾大驚喜…
首先講o下故意背景，故事係發生在十八世紀的法國，這已經帶給了我第一個驚喜，因為之前我一直誤以為這是一齣現代片（provided that 我好鍾意十八世紀的歐洲故事﹚
音響好正！驚喜之二
攝影都好正！驚喜之三
演員不俗，由其是男主角那種淡淡的邪氣。驚喜之四
好多裸露鏡頭。驚喜之五
本來由頭到尾成齣電影都係發展得非常紥實，佢話係由真人真事改編我都相信。但個結局真係估佢唔到，來一個超現實的大規模性派對！驚喜之六
總括而言，我幾 enjoy 成齣戲…兩個多小時都唔悶，幾有戲味。
（有無留意男主角的每個僱主都係死得不明不白的？）
今日放工，係八番和同事食完 lunch 之後就走o左去旺角交收部 NDS，當初收到買家的 email，見佢個名都有o的似女仔，到打電話約佢，把聲都係似女仔…點知見面時原來對方係個男小學生或者係初中學生。
見到佢好緊張，仲有o的戰戰競競，一見到我就想即刻比錢我，部機都唔 check 下，好搞笑
身為賣家的都盡下責任列返o的 Item 比佢睇，叫佢自己 check 下部機有冇問題。
--
之後走o左去朗豪坊 PCCW 拎電話差電…途中打電話比 tony 問佢出唔出黎行下…可惜佢要返教會。 不過一傾就傾左半個鐘頭…
--
拎完差電，走o左去行尚書房…樂文等等書店…原復生又有新書出…龍應台又有…易中天又有…
不過本本都無買，留返大減價先
最後係 尚書房 買左 Programmer 雜誌，同兩本書：
The Most Affecting Essays In The World (中英文對照版)
The Greatest Speeches In The World (中英文對照版)
Total $60
本《臥底經濟學》好似幾好，不過未買
現金水平嚴重偏低…要好好挨埋呢個月…
--
突然發現身邊出現很多超級 Fans…有任賢齊迷…Kelly 迷…還有何菇迷…
問我係什麼迷？可以說是…周杰倫…但也沒有到 Fans 的階段，只是他每隻碟我都很喜歡，他演唱會也沒有太大興趣去看。還有…S.H.E 吧！（說出來很多人也大跌眼鏡）
--
尋日唱 K 聽到同事唱“離家出走＂，唱得好好聽（本身首歌都好聽啦），今日就全日係咁聽住呢首歌，MV 裡的衛蘭真係幾靚。
--
有沒有追作者的感受? 我意思係追買某一個作者的著作…當我覺得一個作者諗o既o野好正，我就會一直追佢o既書來讀。追返曬佢以前o既書…因為我唔想錯過任何“和作者思想同步＂的機會，學野，學佢點諗野，開自己的眼界。買好書，從不吝惜。
尋晚興奮完畢... 今日就訓到成 11 點幾...
估唔到今日我搞左成 6 個鐘頭清潔... 係, 差唔多係 6 個鐘頭... 話說下晝想拎本舊書出黎睇, 嘩, 點解本書咁大塵? 因為個舊書架上o既書已經好耐無掂過, 書架已經好多塵, 好多書都好多塵... 於是我將所有書拎曬出黎, 將個書架做個清潔... 吸塵... 再抹, 再將每本書逐本逐本抹乾淨, 放返上架... 之後諗諗下, 不如將 D 書全部執過曬 D 位, 做好分類... 再將新書架 D 書拎曬出黎.
超"支力"...由於中午只食左個 $13 的蒸飯, 半路中途已經 Feel 到個人無曬力, 再落去真係會訓低, 唯有快快脆蒸左碟叮叮腸粉黎食. 食飯又再執過... 由於每本書都要抹, 咁多書, 自己都有 D 想放棄... 但係無理由做到呢個地步就停架?
過程裡面見到幾本以前的電腦雜誌和體育雜誌, 一本係碧咸封面(他初出道時), 另一本係麥馬拿文封面, 兩個人都被當時的奪標稱為未來新星... 但而家呢兩粒星都已殞落喇. 仲搵到本母校校刊, 封面有我係度... 果陣時真係薯到爆.
終於搞掂... 由原來的兩點幾搞到六點幾! 然後, 我還要幫屋企做清潔!!! 由於媽媽聽日返黎, 而我聽日又要去 BBQ, 清潔的工作一定要今日完成. 先將全屋吸塵, 之後再加 D 綠水拖地... 熱到我要除曬衫做. 搞埋呢 D 都已經係八點... 再落街食個車仔面醫肚...
回到家 HBO 有得做"逃出阿卡拉", 一套我讀緊小學就已經係明珠台重播緊的電影, 細個睇 D 唔睇 D 都已經覺得好好睇, 今晚有得睇返, 真係正.
全場在 WHY YA YA YA YA YEAH~
垃圾堆之內齊高唱
全場在 WHY YA YA YA YA YEAH~
問我心等待誰收養
縱是無緣被寵愛 但也不想惹塵埃
留在這密閉的廢物場內
抹抹掃掃 寂寞也顯得 光彩
如自己也可以不愛 愛都可 不愛~
今年一月初全世界最小的「國家」Sealand ( 西蘭 ) 刊登廣告有意出售後，BT界著名的下載組織Pirate Bay也在近日宣布希望募集資金買下「西蘭公國」。
Pirate Bay建國信念主要是希望創造不受版權法搔擾及無VIP帳戶的世界，並且享受高速的網路樂土。而所有贊助此活動的捐贈人將在未來可獲得該國家的公民資格。
買下Sealand！BT組織Pirate Bay準備建國！？
「那是最好的時代，也是最壞的時代；是智慧的時代，也是愚蠢的時代；是信仰的時代，也是懷疑的時代；是光明的季節，也是黑暗的季節；是充滿希望的春天，也是令人絕望的冬天；我們的前途擁有一切，我們的前途一無所有；我們正走向天堂，我們也走向地獄。」
狄更斯《雙城記》
閱讀為什麼非要「有用」呢？英國哲學家羅素就鼓勵人多研究點「沒有用的知識」（"Useless" Knowledge），羅素認為，讀書不一定現實不必令人學會一門技能而致富，而是讓讀者培養省思的 習慣，因為純潔的好奇心，施用於閱讀，可以令「不快的事不那麼不快」，也令「快樂的事更加快 樂」（Curious learning not only makes unpleasant things less unpleasant, but also makes pleasant things more pleasant）
部份引用：陶傑 @ 蘋果專欄
我信 6 叔, 因為佢個名比人講臭左
會失去報紙, 電台等等既工作, 所以佢而家要補救
要做返好個名, 一定會放堅料, 所以堅過石堅, 再比人寫多幾野
佢就玩完, 聽佢電台節目既, 都係師拉多, 師拉好信傳聞, 一傳佢唔掂就即時死亡
你唸下 新x 電台既 王老師, 打去問題, 帶你遊花園, 都可以做足 5 年無事
就係因為佢講既野中性, 又唔係點推介野, 所以好安全, 打去問完既人聽完 = 無聽, 個心就安樂左
六叔個 case 唔同佢.....
（哈哈！）
引用：不明@ Yahoo 討論區
哥倫比亞大學的研究發現：
唔同國家o既人長唔長壽，原來唔係決定於醫療設施、有冇退休保險、種族、地域…等等，反而和讀幾多書成正比的，而且每讀多一年書，就會多一年半的壽命。
例如有個地方將 7 年免費教育提升到 9 年，多 2 年讀書，平均人壽就長 3 年命。所以投資在教育的醫療回報率，絕對高過直接投資在醫護界的。
「人o既一生到底係為o左追求怎麼而活？」
「人的一生無論滿不滿意，到頭來都等於零…一種腐蝕心靈的虛無感。但東西可毁，過程不毀。著眼於物件，容易覺得人生無常，一切都像過眼雲煙。但著眼於事件就不同：所有發生了的事件，全都構成宇宙總體的一個永恆的組成部分。這些事件即使微不足道，但只要肯定這些事件對我們有意義，感到滿足，就不枉此生。」
每日都做有意義的事，對身邊每一個人，你真係珍惜同佢地係一齊，你去學習，你去愛你想愛的人，你去回饋世界，你去帶來歡樂。
「你很容易改變主意，所以都係唔好跟你…」
「但係當你一發現自己做o既o野係錯的時候，為什麼不能立即去改？你會不會因為自已的面子和別人的想法，去阻止自己一個覺得更加好的決定？」