今日搭的士，剛剛遇著電台播《千個太陽》…
司機哥哥：有冇聽過呀？
我：梗係有啦
司機哥哥：唔知首歌剛剛播o既時候你出左世未，唔知有冇廿年呢？
我：梗係出o左啦，我都超過 25 歲喎，做緊o野添喇
司機哥哥：嘩…真係睇唔出喎！以為你最多廿歲
=.= !!!
昨天沽了南方航空（1055）、中石油（857）
兩個月時間，有 15% 的升幅算係咁
由於這兩隻我落了重注
沽貨之後手頭現金超過 50%
基本上我的組合已經到達安全範圍
以後點跌都唔會有太大壓力
今日小注轉入哈動（1133）投機
嚴守止蝕
人工，係一個人與人互相比較的一個標準
講返我現在的人工，和舊同學或朋友比較是偏低的
其實一直我都覺得生活很富足、很快樂
但一觸及到人工的比較，心裡面始終會有一條刺
自己是不是比人差？不覺得
想呀想… 煩了自己
李天命話人往往因為自尊受損而引來種種的煩惱
可以運用他的“九一主義＂來拆解
其實人只要做返自已 少一點無謂自尊 生活會快樂許多
若真的要想去和人競爭 為何不企後一點去想？
工作是一個近三十年的長跑，開頭可能你只係落後少少
不代表以後你不能迎頭趕上
想得太多只會影響你的專注力和決心
不怨天尤人，樂觀工作，成功總會來的
食飯睇 NOW Trailer 台，睇到有新戲上《每當變幻時》
楊千嬅和陳奕迅做主角，杜琪峰監製，羅永昌導演…
故事有點《甜蜜蜜》的感覺…（可能只是我一廂情願）
好想睇…
--
懷緬過去常陶醉 一半樂事 一半令人流淚 夢如人生
快樂永記取 悲苦深刻藏骨髓
韶華去 四季暗中追隨 逝去了的都已逝去 Ah... Ah...
常見明月掛天邊 每當變幻時 便知時光去
懷緬過去常陶醉 想到舊事 歡笑面常流淚 夢如人生
試問誰能料 石頭他朝成翡翠
如情侶 你我有心追隨 遇到半點風雨便思退
常見紅日照東方 每當見夕陽 便知時光去
今日係我的 Last Day，係舊公司的最後一個工作天
派過散水餅、影過相喇… 安心地離開…
散水餅係一個傳統，只一個儀式…一個好無謂的儀式
竟然臨走都有人要籍呢一樣o野串一串我
好朋友我會繼續搵返佢地，唔好的就 Bye Bye 喇！
我就黎轉工 相信呢個都算係一個公開的秘密
同事通常都會問：你第時諗住做咩工作呀？
我答：唔知呀，未搵呀…
唔通轉行咩？如果我唔做電腦 可以做得o的咩
咪又係會搵返一份 Software Development 的工作
有人建議我做投資顧問 因為佢做過銀行 Sales
我的財務知識和說服能力竟然比她還要強 哈哈
當我上 Jobsdb 的時候 我會選擇什麼的工作？
- 不是經 Job Agent 的
- 公司要有一定規模
- 公司以 I.T. 為核心業務
- 公司一定要有網頁 有多o的 Information
今晚同同事食飯 意粉屋 超級貴
又不可以說是超貴 每人百幾蚊啦
但貴唔貴要計埋食物質素 計埋就貴啦
一個人行書店 自然會忍唔住手
如果有朋友陪我去書掂 多數會忍到手
點解會有呢種心態？
或者係我唔想比人睇通我那一刻我渴望什麼
屋企每一本書會代表o左我一份對知識的追求和渴求
小說當然例外 但或者咁講 每一本書都會代表住我一種性格
知道一個人睇什麼書 我大約會估到佢係一個點樣o既人
就算佢買o左唔睇都好 佢買的一刻都已經決定o左佢係想點
咁今晚我買o左咩書？
《天水圍 12 師奶》
想買好耐 好書人人推薦
《一次過讀完 22 本投資經典》
想買好耐 今次總於比我見到 仲有三本添
兩本書面都唔係咁乾淨 選了第三本最完美
兩本有 85折，$121.6 埋單 不錯
又買投資書？唔係嘛？無錯…我又買喇…
買書成癮症的病患者…無藥可救
錢… 無人嫌多… 更何況是知識？
有人玩音樂、AV、攝影洗好多錢
我洗在書上面 都唔叫多啦 （唯有咁樣安慰自己）
放心 未來有一段小小的假期可以比我日煲夜煲
講埋最後一件事
有朋友話我最近很瘋狂 成日講股票
無錯 我係日煲夜煲股票相關資訊
我不認為我是個精明投資者 所以我仲想知道更多
日煲夜煲不是今時今日才做
我已花了一年時間 我的滑浪時間才一年多
只不過係以前我學藝不精 很少提及
現在講多o左 又唔係因為我學有所成
原因係我較早前再度入市
又原因為我作為媽媽的投資顧問要交工課
眼見周圍既人講開就講咁解
同埋我覺得我能夠掌握到一些方法
對投資係有幫助 拋磚引玉咁解
我自己都想學多o的
但願我每次的買賣都比之前一次有進步
人與人接觸 不免磨擦
好多人都鍾意認叻 認屎 認屁
話自己讀過呢樣個樣（其實不過是 Common Sense）
以前我好睇唔起呢種行為
當覺得自己充滿理據時就會反擊
我一定要令對方走投無路
--
曾經睇過王冠一主持的財經節目
他有一句說話講得好好：
好多人都只爭朝夕
往往因為太著眼眼前利益
而作出錯誤的決定
又有睇過政府的一投宣傳片：
贏場交，輸個家，值得咩？
自此這兩句說話常記在心
--
人與人相處不是戰場 無話你贏我輸
太著重真理在誰一方或意氣之爭 只傷感情
不能與某某相處 離開他 疏遠他就行了
面對非常固執的人、要認叻的人
我通常都沉默是金
因為媽媽一向都好鍾意睇００７電影
今日母親節 我特別租o左隻《００７皇家賭場》比媽媽睇
一路睇的時候 媽媽一路睇一路罵
佢雖然覺得好睇
但係皇家賭場中的占士邦 並不是她一直鍾意的問士邦
她認為：
占士邦係唔洗人幫 唔會咁狼狽 唔會輸
做乜o野都胸有成竹…
我話：
今時今日 大眾對英雄的要求和期望 已經變了
今日收到博客來通訊，被幾句文字吸引…
“
除了愛情，沒有事情像閱讀這樣讓我們覺得，遲來的開始，也可以如此美好。
即使愛情，也沒法像閱讀這樣讓我們覺得，越界之舉，可以如此新奇。
…
閱讀不再是皓首窮經，閱讀不再是閒情逸緻。
閱讀不再是有目的，閱讀不再是無目的。
閱讀不再是功利，閱讀不再是品味。
閱讀不再是文字，閱讀不再是圖像。
閱讀不再有網路與書籍之分，閱讀也不再有博士與高中生之分。
…
對於人生，閱讀就像是那扇門的作用。
不論是書，還是網站，有時候你一打開
，就從眾裡尋他千百度，一下子成了驀
然回首那人卻在燈火闌珊處。更有意思
的是，你打開得早，有打開得早所能見
到的美妙。打開得很晚，也有打開得晚
的風光。
…
＂
都幾有興趣睇下呢本《越讀者》
PS:
內文介紹了《如何閱讀一本書》，我讀過也覺得這是一本好書
但記得某年某日的《講東講西》（電台節目）討論閱讀文化
有聽眾打電話上去推薦這本書，被主持人批評“這些書為即食書籍＂
當時主持人（馬恩賜）只是單憑書名就判斷這本書為“即食書籍＂
再借機會胡說八道一番，事實上他根本就未睇過《如》一書！！
他不如過商台講返賽馬吧…
港府歡迎內地放寬投資限制[18:58] 2007年5月11日
內地放寬境外投資的規限，將可以投資港股，港府、金管局及港交所均表示歡迎。
署理財政司長葉澍表示，新措施對中港金融業發展均有利，歡迎有關做法。
金管局行政總裁任志剛表示，這將有利兩地建立互補、互助的合作關係，透過兩地監管部門緊密合作，為內地資金提供安全平台，令資金有秩序流出。
--
今次發達~ ^^ 大市再有上升動力
諗唔掂，上網搵高人指教…
比o左我個投資組合佢睇，有以下回應：
「選股不錯，買入價尚可，可以揸一會
無必要太急沽，等大市上衝時，旺得好緊要時再沽也不遲」
--
我的實戰倉：
領匯房產基金(823) @15.9
建設銀行(939) @3.33
宏利金融(945) @247
中國南方航空股份(1055) @3.74
創科實業(669) @9.67
中國石油股份(857) @8.75
記得我曾經講過入市，到現時為止，成績不俗…
到底未來我要點部處？保留戰果，還是繼續博殺？
在貪婪與恐懼之中徘徊…實在諗唔通…
睇股不睇市？無理由咁做
雙天齊上，港股無落後的理由
但兩者皆是空中樓閣，隨時崩塌
還要花多一些時間去制定在大市不同情況下的準備…
作曲：黃丹儀 填詞：陳少琪
編曲：舒文／黃丹儀 監製：伍樂城 RNLS
一天一天工作 消失感覺
也要奮戰以免別人 靠你肩膊
當天輕鬆的驅殼 如今已少了動作
甜夢變酸 冷汗常流額角 如何振作
身體差了 眉頭緊了 就似相機不懂對焦
是否我太倦了 體魄弱了 吹吹風也易發燒
身體差了 頭暈心跳 夏季彷彿縮短了
尚記得跟他 抱著放暑假 在那天很愛笑
書包早拋開了 不增高了
哪會碰到有趣事情 教我尖叫
今天即使可跟你 能擁抱多數十秒
然後最終 各自沉迷電腦 其餘次要
身體差了 眉頭緊了 就似相機不懂對焦
是否我太倦了 體魄弱了 吹吹風也易發燒
身體差了 頭暈心跳 遇到知己也漸少
尚記得跟他 抱著放暑假 在那天很愛笑
同學重聚紛紛減少 彼此也禮貌了
歡呼減少 花名也漸忘掉
祝福減少 彼此也發現
理想之中 很多仍缺少
身體差了 眉頭緊了 就似相機不懂對焦
是否我太倦了 體魄弱了 傷風咳嗽增多了
身體差了 頭暈心跳 遇到知己也漸少
尚記得跟他 抱著放暑假 甚麼都很好笑
今晚睇完《蜘蛛俠 3》
首先承認，我是有種“蜘蛛俠情意結＂
從第一集開始，我就好喜歡 Peter Parker
一個有血有肉 有自己生活 有自己煩惱 的英雄
極度激烈的動作場面…
浪漫的 Spiderman Kiss…
幾經曲折的愛情…
淡淡但令人感動的親情…
可愛又極具性格的一眾 Side Characters
那份捨身成仁的正義感…
（集合三集而言）
好多o野都帶給我回憶
除下面具的蜘蛛仗 有點呆 有點鈍 有點猶豫不決
又如 Mary Jane 所說 Peter Parker 是 Nerd 一名
而我的性格 或多或少也是這樣
投入感也為這齣電影添了不少分數
你的績效好壞，就看是否有能力讓其他人努力達成共同的目標，但是每個領導人都知道，讓一群人同心協力，就像是管理一群貓。儘管你投注許多心力，他們還是做自己高興做的事情。
今晚比我睇到呢篇"重要壞消息!!! 用恆生買賣股票要入嚟睇睇"
原來恆生最近在現價4個價位內才幫客戶排隊！
即刻寫了封信去投訴恆生, 睇下佢點覆我
各位有用恆生買股票的朋友 一定要投訴佢
如無改善, 轉銀行！
花 $50 買了 張五常的《學問無界說》…
等車坐車一路讀…舒解一下
心情不爽就是想購物
想買部新電話 Sony Ericsson M600i 最o岩我
好欣賞佢能夠手寫，又有個 "QWERTY" keyboard
可惜似乎物非所值 $3,xxx
睇下睇下 不如等 P700i
不過一出的時候預計機價 around $4,xxx to $5,xxx (=.=!!)
股市方面 無乜起色
最近入市損手 犯下錯誤
靜觀其變