Blog Matthew (OLD)

今晚發燒，食完飯之後坐係沙化度呆o左，望住一齣我最討厭o既《本草藥王》達半個鍾頭。之後我返o左入房，我聽住歌訓o左係電腦檯上面，我望住疊書無興趣睇，我望住部 PS2 無興趣玩，只有係 ICQ 同人傾計，聽到“喔噢＂聲就起返身，打幾隻字就訓返低，好頹。人病o左o既時候就會感覺到對生命o既無力，當然知道自己唔會死啦，可以做o既o野就只係食藥同飲多o的水，然之後就是等待。聽到 Twins o既訪問，點解當佢地病o既時候都可以支撐到咁若無其事？有些人真係可以做到咁堅強和有忍耐力，有位同事成日病，但係就一日病假都未曾請過，可以話韌力過人。唔知算唔算係報應，有時我仲笑人成日病，阿媽話我平時皮氣又咁差，但一病就成個 BB 咁，病下都係好事。