Blog Matthew (OLD)

這幾天的假期我都在玩 GTA IV
睇到討論區講起 GTA IV vs《盜火線》真係好正！！

《盜火線》係我最喜愛的電影之一，打劫銀行的一場鎗戰是經典
估不到 GTA IV 能將它重現在遊戲，實在太興奮
我好想快o的玩到這一關

--

講開 GTA，我玩到有一個 Mission 要我殺一個人
我從大廈搜索，發現，再一路追佢，追到出街
互相在街頭鎗戰駁火追逐，之後佢走左上車，我亦開車追佢
一路渣住架車一路開火追殺佢
我用支機鎗射到對方架車著火，亦燒著左佢
見佢跳車倒地身亡，佢架車亦爆炸

呢個時間亦同時有幾架警車開始追捕我
我要擺脫曬佢地先至完成任務
我想一定要找一條大直路去擺脫越來越多的警車
我走左上橋，一路向前踩盡油…
估唔到前面警察已設好路障封橋
其實係追殺的過程我架車已撞到體無完膚
於是我決定跳車！再從橋上一躍跳到落海上逃走…

我一路游呀游…企圖擺脫警察的追捕…
但估唔到有水警繼續追我，仲比佢開鎗掃射
我就快死了…好在附近找到了一隻快艇
爬上快艇，再用極速向遠方駛去…
最後，終於逃脫…

過程好緊張、刺激、好正！