Blog Matthew (OLD)

曾經有朋友見我買股票，有錢賺，於是問我買乜o野好。說現實，我投資的經驗未夠一年…咁樣問我，我真係唔識答。不如唔好搞咁多o野，唔識o既話買基金算啦，又嫌蝕管理費唔抵…不如定期收集盈富基金算啦。唔聽，走去買，但又唔做足功課，周圍八，又買又賣…同賭錢無乜分別。

散戶最唔著數，最慘、最渣的地方係咩呢？就係受唔起衝擊，一有風吹草動：『大鑊！走喇！』 …反應過敏…一忍唔住…作出不適當的買賣。好少散戶 Hold 一隻股票賺到十倍八倍：『賺兩成！走喇！』。但專業的投資者，基金經理，做到賺十倍八倍的俯拾皆是，因為這是他們的職業，佢地自己有一個信念，就係點解要去買，而個樣基本因素有沒有改變到，如果無變就可以繼續持有；有變才走，這是專業和理性的。

普通散戶，撞到呢個街坊傾一傾，撞到另外一個街坊又傾一傾，信心隨時動搖，隨時準備失去當初買入時的原因和信念。基金經理，專業投資者經得起風浪，經得起周圍的雜音。大方向無變就繼續前進，除非你係好有經驗，你係個經得起風浪的投資者；否則做散戶一遇到風浪就蝕底，比人震兩震好容易就散。出色的散戶要自律，信念不要被雜音所影響。