前日去o左睇《地海傳說》，如果五粒星係滿分的話，它值一粒。我知道今次的監督再唔係宮崎駿，而係佢個仔，但估唔到級數真係相差幾十班，係幾十班！我完全係有“中伏＂的感覺，要鬧o既o野太多，電影任何一個部份我都可以鬧一餐…劇本薄弱到不堪，但既然我都用o左幾十蚊睇完齣戲，我都無謂再浪費我時間去鬧…我只係覺得這齣電影完全影響他爸爸的 Studio 的名譽。
我走去 hk.yahoo.com 看看各網友的評論，有一些意見和我很接近：
“全套電影不論人物或故事無連貫性＂
至於那些睇完都比五粒星，又大讚有意思、有意義的、有深度的，我只可以咁理解：只怪我睇得太多好電影；我原諒佢地唔識咩係劇本；我原諒佢地o既盲目；或者佢地只係細路仔。
片裡面想表達o既寓意和道理，全部都已經係老掉牙，有些電影可以將這些道理表達得好好，令人好深刻；但這齣電影我只覺得太說教和太膚淺，講幾句o的人就覺得好有 message ！？唔係呱…
0 Comments:
訂閱：
發佈留言 (Atom)