報紙、雜誌、電台都對呢次事件多過全方位的評論，所以我再講o的乜野大多數都係重覆觀點。從個人黎講，我都係一個曾經好八掛的人，都經常買《便利》之類的八卦雜誌。但從某一刻開始（大約兩、三年前）我就覺得唔應該買落去。
曾經在中環區工作過一段很短的時間，每天都看到很多白領，個個身穿行政服裝相當醒目，個個都係知識份子，一個字—型！但當睇到有人手上拎住本《便利》，我就即時對這個人的印象大打節扣：我會懷疑他個腦係諗緊乜野？他的道德水平係點？他的人格會如何呢？簡單咁講，我會覺得呢個人：唔掂！
「成日鬧，又要睇」，香港人表面的道德水平很高，但心裡面的道德水平就好低；八卦雜誌做得越黎越過份，常常測試我地o既道德底線，一方面壓底“心裡面的道德＂，另一方面社會輿論又會拉高我地o既“表面道德＂，最後個個人都成為偽君子。“唔掂＂的觀念令我去重新審視自己的行為，當買呢o的雜誌時我會覺得尷尬、羞恥。
其實呢個 Post 我想講咩呢？
《便利》咁做落去只係做衰自己個名，我只係個普通香港人，我都會覺得唔想買落去，其他香港人都會漸漸醒覺（我知今期好銷得）。
PS: 我對買《便利》的朋友們絕無任何偏見，以上觀點並不適用於我的朋友身上 :P
3 Comments:
訂閱：
發佈留言 (Atom)
「都無o野睇o既，唔係咁大件事o都」
但係“偷拍＂本身就係有問題，週刊肯印埋出o黎賣就更加係有問題。
無錯，所以要準備花生 :P