Blog Matthew (OLD)

本來呢篇文係尋日 Post o既，但係之後我要傾電話，於是"Save as Draft"先，點知今日睇返，篇文已經消失o左，又要再打過。我本來想講o既係，尋日我放了中海油（883），死好命地放完就跌。但係建行（939）同埋宏利（945）就真係要放埋係床下底，浮下沉下，有位人兄同我講，買得呢o的股票就唔好望佢會大上，係睇長線o既，呢o的都可以係一句好好聽o既安慰說話o黎o既，但另一邊，望住一隻我當初想買又唔夠錢買o既港機（44）一飛沖天，你話我眼唔眼紅？換馬嗎？點換？隻隻靚o野都咁貴。有人叫我去買大陸房地產，但明知個宏調無效，大陸會唔會再黎調多一次？買o左到時就大鑊。有人叫我買大陸汽車股，話大陸需求好勁，好有前景，但市場好係咪就代表佢地好？林森池講過什麼叫經濟專利，好似那些汽車股都係嘛嘛地。呢個時候，最好靜靜地睇書，乜都唔好理住，保持耐性。